生日

終於考完final, 不過好累... 聽日打返

好耐無打, 太忙太多野做... final黎緊

做到傻傻下

由於個大攬枕的關係, 訓得超舒服, 舒服到唔想起身返學... 不過都要返ga... = =" 兩堂都出盡力聽書, 再唔聽個final都唔知點算... 而家先發力唔知會唔會太遲, 想下午做功課, 結果又訓著左, 搞到成六點先開始做, 而家先做得一半的一半, 今晚又唔知點幾有得訓lu

一連三日長weekend結束... 飲下茶整下野食又過左...

又係成日係LAB度過, 271 LAB3 DEMO成功~ 不過仲有report未做... 唉~

朝早返兩堂之後一直係LAB做到十點幾... 九點幾先有第一粒米落下肚... 唉~~ 苦呀~~

唉... midterm又死了...

= ="

1231

hold

尋晚又係做到死死下, 次次做功課都係咁... 唉. ee400已經放棄左咁滯, 搞掂271同332先算喇, d功課又鬼咁難, 下個week仲有midterm, 點算... 想話比心機溫習但係成日都無左回事咁, 救命呀~

越黎越多四川地震的消息, 知到d人好努力咁救災, 溫總都做左好多野, 的確係令人好感動, 又可以睇到中國人其實都好圑結, 希望呢種精神唔好只有災難果時先出現啦


新相機到左, 正!

開心完一個weekend又要返學... 一堆功課又黎緊, 271而家先開始做, 點解次次想早d做都係做唔到ga呢
今日見到新聞講四川大地震, 死左好多人, 真係大鑊, 奧運先黎搞咁多天災, 希望無事啦

過左鐘喎... = ="

123

尋晚返LIB做功課做到點幾兩點, 做功課同時又plan埋summer的class, 計計下應該黎緊個winter就grad得, 希望係咁啦, 不過之後又點呢... 又係煩, 返屋企做多陣就訓著左, 朝早起身諗住做埋剩返果題, 但係都係唔識做就交左, 上埋兩堂就返屋企, 返左黎無幾耐天使打黎叫我教佢做數... 唔係我唔想教, 係我真係唔多識呢... 咁耐之前ga野, 有答案我就解出, 無答案要我做真係有難度, 之後我就去左整車---裝車頭燈, 連續鬆錯左兩粒羅絲 = =" 晒時間... 裝好左一邊拆第二邊果時見到CAI個filter好多塵, 決定拆出黎洗左先, 而家部車係下邊散晒咁... 希望聽日有時間裝返好佢啦, 咁就有HID用喇~

又係星期一... 一早已經唔想起身返學, 幾時先到weekend...

又一個星期... 做功課先...

123

執野

尋晚通頂做271 report, 今朝訓左個幾鐘, 到demo果時比個ta問到口啞啞, 我明明識ga喎, 做乜答唔到ga呢... 唉... 個ta又惡搞到我好大壓力... 放學果時比利區已經係到左我屋企, 山長水遠走黎搵車, 去到dealer度行左陣睇過下d車, 跟住佢就去左test drive, 佢話唔錯喎, 但係棍仔的入邊都係核突杏色... 去倉到搵左一輪, 比我搵到部銀色入邊黑色的棍仔, 返去等佢問價, 諗左一輪個價ok就成交左, 威啦~ 有新掃把佬喇! 夜晚食完飯到我出去test drive, 好累的關係試唔到d乜, 不過我都係覺得corolla個位坐得舒服d~ :p

尋晚通頂咁滯, 400功課結果無交, 今日midterm普通識... 唔會高分得去邊...
今晚又要通頂做lab report? 夜mama先返去做lab...

救命... 聽日又332 midterm又 ee400功課, 兩樣都唔識做... 死左... x_x
科400真係唔知點好, drop又唔得, 會唔夠credit同過左期, 唔drop又等死, d de又唔明d terms又唔明, 睇黎轉佢做s/ns好d, 唔係食個0.幾真係唔掂

跳樓都唔掂... 聽日271 midterm... 仲有功課
今個quarter開始到而家都好似功課交之前先做, midterm之前果晚先溫, 再係咁想成績好都難...
要改要改!!!

星期日, 訓到中午起身, 又係無乜野做, 夜d車返天使返去, 等洗衫後再返黎已經過左12點... 先開始做聽日的332功課, 仲有兩個midterm... 唉...

open house的第二天, waze要做功課返唔到去睇, 我同天使返左去uw, 由我ee dept.開始睇起, 跟住cse, 跟住me, 再跟住ce, 睇完野就返屋企

今日係uw一年一度的open house. 我地ee dept. 決定放假一天, 上年都知有個咁ga野, 不過總係無參加過, 今年決定左去做volunteer, 比人排左去做glowing pickle, 即係發光酸瓜... = =" 上網做過下research大概知個原理, 朝早返到去就去個檔度, 前一更d人已經係度玩緊, 真係好多人黎睇, 好多都係呢度d中小學生, 又要答下d人問題, 又要解比佢地聽點解, 不過同我一更果位同學真係好熱心, 不停咁講, 咁我都係留返比佢講啦... 本來我地點半就做完, 但係佢唔願走咁, 我地下一更d人黎到都係企埋一邊, 我企多陣都走人, 上去lab度傾左陣我地lab d野就走人去搵天使

每個星期四朝早都遲咁滯... 無法啦, 8:30堂, 不過堂lab遲少少都唔緊要, 好過有d人成日都唔出現... 又係兩個人做lab囉, 好在271有3個人做, 但係我就係唔明點解我計黎計去都爭少少, 應該o岩ga喎
聽日open house, 期待中

今日上上下堂收個到e-mail話要打電話去確認左先可以買到部tx1, 打去睇下點囉, 打幾次先通, 果條友又大我話舊電用得十幾廿分鐘, 叫我買佢d電, 我話唔要, 跟住我問佢部機係咪行貨佢話唔係, 話係德國貨無英文menu, 有無搞錯! canon d機應該乜國語言都有喎, 不過果一刻比佢大到, 叫佢cancel左個order算, 第二個order點算呢咁... 上網google返原來呢間係黑店黎, 仲有一系列的黑店, 張credit card都唔知佢地會唔會亂用, 打左去card center度叫佢如果有d咩唔尋常數就hold先, online買野買左咁多次都中招... = ="
iLuv果邊又send左mail黎叫我寄返個speaker返去, 部野d燶味真係唔知邊度黎

最唔鍾意就係星期日,一,二晚, 因為星期一二三都有功課交, 一同二果份都還好因為有D solution睇下, 唔識極都有個譜, 聽日果份真係想死, 完全唔知做乜, matlab又唔識mathematica又唔識, 點做...
見部tx1咁平, 入多幾部拎去賣先~

好累好累... 緊緊夠時間做晒份332功課交左, 呆左兩堂唔知做乜, 放學去寄左對h3 fog light, 希望博大霧成功, 返黎終於收到9thgen corolla個貼紙, 等左個幾月, 個個以為比人呃左$5, 好彩最後都收到, 食完野砌返個271 lab circuit, 做左陣功課就返去比個circuit人, 比完返黎貼貼紙, 真係幾靚ga~

今日起身之後... 手痕又走去睇相機, 結果比我搵到部百幾的TX1, 之後決定買黎睇下點, 就算唔OK ebay賣返出去分分鐘有賺, 再過左陣又想去掃埋costco果部返黎睇下喎, 90日內都可以退, 梗係用盡佢, 結果我地又走過去costco, 今次唔再麻煩人喇, 我地自己入會做左member, $50年費但係樣樣都平d, 應該都有賺ga, 結果買左部casio s880返黎睇, 睇返ebay原來都賣得好平, 之前仲諗住入多幾部拎去賣, 如意算盤打唔響lu... 等部tx1到埋再睇下留邊部

今朝起身check ecost個e-mail, 發現左ecost有部大一倍size一樣價的touch, 諗左陣天使決定退返舊果部去wal-mart買ecost果部, 中午約左dogdog去costco買野, 一路上d雨越黎越大咁, 有一段仔我直頭睇唔到前邊d路, 去到之後我一睇就見到部ok低的casio相機, 心思思想買黎玩下, 行完食埋hotdog就走人,車返dogdog返屋企我地就去左capital mall行, 有人要買d斯文衫準備見工, 行左一輪都無乜幾件睇得o岩, 最後都係咁以掃左幾件走, 返返屋企之後睇林海峰, 好搞笑, 又上網睇下相機咁, 其實自己部細機影相都唔錯, 係拍片質素唔掂... 想搵過部拍片好D的, 襯而家D機咁平入返部都好, 之前有留意過CANON果部TX1, 但係太貴...

今朝唔知醒起身... 起身果時已經九點幾, 返唔切去, 就起身洗頭沖涼等到上完堂先返去, 因為要去問野, 返到去佢叫我去lab度搵佢問, 其實我好想take埋個lab ga, 不過d時間撞左所以take唔到, 但係佢話我地幾時都可以去lab睇下佢地做d乜, 個lab就係係EEB地下, 即係我之前落過去好似生化危機有喪屍果度, 今次落去又唔覺得好恐佈咋喎, 問完之後就去上另外果兩堂, 呆呆下又上完, 放左學去postoffice拎埋本書就返屋企, 等到i5唔塞車就渣車返去, 天使唔見左部nano, 我再搵過間房都唔見, 失左蹤... 不過咁就有機會買過部新喇, 去左wal-mart買左部touch, 之後返屋企玩左好耐, 又破解, 又裝野, 搞一大輪先訓

掛住整車過左12點tim... 今日一早本來八點半返學, 晏左起身... 遲左半個鐘, 好在上係lab, 不過要我兩個lab partners自己做住先, 真係唔好意思喇, 不過之後我都做左好多野, 兩份報告都好順利咁交左, 第二份demo果時都好順利咁答晒d問題, 但係... 當我地以為搞掂lab1果陣, 個partner好順手咁拆左個circuit... 之後... 睇返lab2, 原來要用返lab1個circuit... 真係捉蟲... 以下係lab1個circuit


都ok多線... ok複雜, 上個星期係我用左幾個鐘砌佢出黎... 我個partner想砌返, 搞左一輪佢都係放棄左, 而家份野係我度, 都係要我搞返... 唔緊要啦, 第二次應該唔會好難~
因為聽日無野交, 今晚食完飯落左去整車, 拆左個brake上返d油, 希望可以解決度d怪聲問題, 但係已經太夜, 又整唔到頭燈住lu~ 好想快d有HID用!!!
今朝收到消息話伍晃榮過左身, 真係可惜, 佢係一個體育新聞的老前輩, 雖然我對體育新聞無乜留意, 但係以前好多時六點半新聞果時都聽到佢講, 特別係講波果時, 佢好多金句都好搞笑, 真係人生無常... 安息吧

構思中---[時光倒流]

由於之前有好多野想講想寫但係無做到的關係, 所以而家諗住得閒就會搵返以前一件事黎寫, 記得幾多就寫幾多啦, 好過之後唔記得左
仲有就係為左放遊行D相, flickr果邊比左錢升級做pro, 有無限空間比我放相, 所以我要影多d相放上去先得喇, 無理由d錢白白咁比左出去ga ma, 黎左US咁耐, 差d唔記得左以前鍾意影相果個自己, 因為有時覺得美好的東西放係心度會比放係相度更加美麗, 就係咁我部10D封塵咁滯... 真係唔好意思喇, 而家開始我會盡量試下影多D相, 用唔到10D影就Z40, Z40都用唔到就用X01HT啦, 電話都有2MP, 唔好睇小佢呀~ 我要用盡花係flickr的一分一毫!

尋晚搞左成晚結果都係搞唔掂份功課, 做黎做去都做唔到, 做得少少今朝就交左, 點知落堂過左一陣收到E-MAIL話佢接受遲交功課, 不過個分打五折... 都好啦, 好過得少少分, 再努力做過!
放學之後又要等做lab report, 第一份已經鬼死咁長, 廿幾頁紙咁, 做死人咩, 我好鍾意做lab, 不過唔鍾意做lab report囉, 做完lab report返屋企果時見到部咁ga野

唔知咩車黎, 好得意, 個個經過都望下, 睇落好似行電的

返黎今晚有時間, 繼續搞下個HID, 改裝housing已經完成, HID燈膽已裝好係個headlight housing度, 裝埋上部車度就大功告成, 聽日睇下有無時間搞先, 仲要整下個brake

連續星期一二三都有功課交, EE400個功課真係好難, MATHEMATICA同MATLAB都唔知點做... 唉唉唉~~ 不過DNA又真係好玩, 地球上的生物真係太神奇喇!

今日去拎左份THE DAILY黎睇(UW的學校報), 竟然一隻字都無報過尋日個遊行, 淨係講比左個榮譽博士達賴, 學比利區話齋, 我同達賴變左校友 = =" 有無搞錯!

UW 反達賴喇嘛集會

一直以黎都好想為自己的回憶找一個家, 恐怕將來會老人癡呆會唔記得晒之前發生乜野事, 有時見到D野好有衝動想寫D野, 無奈一直都無自己的一個blog, 拖了又拖, 拖了又再拖, 最終今日決定開呢個blog, 多謝比利區的介紹.
係咩事可以令我決心開呢個blog寫d野呢, 之唔係國家大事囉, 正所謂國家興亡, 匹夫有責, 身為中國人眼見近來發生種種的事, 真係火都黎埋, 首先係之前的西藏事件, 之後又有支持藏獨人士搶奧運聖火, 先唔好論中國同西藏誰對誰錯, 只係睇西方傳媒一面倒的報道就令人火起, 各個西方國家好像難得找到一個機會, 不停向中國攻擊, 斷章取意, 指鹿為馬, 為了貶低中國無所不用其極, 我相信很大部份外國人都信以為真, 認為中國政府真的使用武力鎮壓, 至少我見有外國同學有提到中國在西藏的暴力行為, 又有人因而連到n年前六四天安門事件, 那時候我年紀真係太細, 真係唔知學生o岩定中國政府o岩, 但係而家的中國政府同達賴喇嘛, 我會相信前者, 現在中國總理比我的印象還不錯, 親民愛民, 其他領導人就好似無乜印象, 中國現在的高速發展係鐵一般的事實, 各個西方國家都很害怕一旦中國掘起, 自己的社會地位會不保, 所以都想盡辦法去壓制中國, 中國人要戰勝就要自強, 聽說近來很多大城市的人文素質都改善了, 這當然是一件好事, 但我相信國內其他城市的人民還有很大的改善空間, 很多港澳人都認為大陸人文化素質一定差, 隨地吐痰, 隨地丟垃圾等等, 的確令人討厭, 但其實在外國, 單是美國, 我見到會隨地吐口水的人也不見得少, 我只是想說明不要把不好的習慣和大陸的人劃上等號, 每當我見到大陸人做一些缺德的行為時, 除了少許的討厭, 更多的是痛心, 究竟我們還要多少時間才能令全中國人民的素質提升至一定水平? 我真的不願再見到中國人做了些缺德事後被人取笑, 畢竟這是整個民族的問題, 要改善得花上一定時間, 但我希望這個時間越短越好
說回西藏問題, 達賴喇嘛剛好來到西雅圖演講, 真的不明白為什麼老外偏偏喜歡這個人, 有人說西方只是想利用他打亂中國的陣腳, 無論如何這個人在我心中是一個反派, 口講一套手做一套, 不太喜歡他, 今日正係佢黎我地學校, UW Seattle演講的日子, 我初時都唔知有遊行集會, 到我放學果時經過red square, 見到一大班中國學生手持標語準備集合先知道, 二話不說就趕返屋企拎相機打算去記錄歷史一刻, 返到學校剛好遊行開始, 我跟住大隊一路影相, 沿途佢地都有叫口號, 意思太概係"我要和平, 我要真相, 反對暴力, 支持北京奧運"等等, 穿過左學校campus之後去到達賴演講廳的門口, 當時來聽演講的人已經大排長龍, 遊行隊伍同佢地擦身而過, 之後去到集合地點, 人齊後就有中國代表出來講話, 內容都係圍繞西藏事件, 怒指外國傳媒扭曲事實, 有人向在場排隊聽達賴演講的人派傳單, 我見好多外國人都不了解事實真相, 還在好奇地問為什麼要反達賴, 還有很多傳媒在採訪, 講話完後遊行人士一起唱了多首中國歌曲, 整個過程都很和平順利, 唱國歌的時候我都不自覺大聲唱出來, 畢竟自己也是中國人, 也是想見到中國好的, 我知道很多港澳人還是政治冷感, 對國家的事都提不起興趣, 有的還會盲目反中/反共, 所有有關中國的東西都反, 要知道你在反中/反共的同時, 外國人還是把你看作中國人, 在他們眼中, 你和你口中的低下民族都是同類, 倒不如支持祖國, 好讓外國人知道我們不是他們想像中的差

以下係今次遊行集會的全記錄, 有相有片
http://www.flickr.com/photos/poewong/sets/72157604545339639/

好耐無打文, 一打就打咁大篇, 發覺D中文語感好似差左... 打多D先得

Note:1年零2個月紀念